Sözlərin sirrini açaq

Elçin Səlcuq getdi...

Azərbaycanın məşhur jurnalisti Elçin Səlcuq dekabrın 17-də vəfat edib.

Elçin Səlcuq (Quliyev Elçin Abdulla oğlu) 1964-cü il noyabrın 10-da Şərurda anadan olub. Bakı Dövlət Universitetinin filologiya fakültəsini bitirib. 1991-97-ci illərdə “Azadlıq”, 1997-98-ci illərdə “525-ci qəzet”də çalışıb. 1998-2001-ci illərdə “Detektiv” qəzetinin baş redaktoru olub. Daha sonra "Proloq" ədəbi həftəliyində çalışıb. Son illər müstəqil köşə yazarı kimi fəaliyyət göstərirdi.

Qaraciyər xəstəliyindən əziyyət çəkən jurnalist bu gün xəstəxanada keçinib. (Mediaforum)

Allah rəhmət eləsin!

Bu gün də Aynur günü olsun)))

Davamı...

"Etüd"də III görüş - gənc şair Fəird Hüseynin kitabı təqdim olunacaq

Dekabrın 19-da saat 14:00-da “Etüd” kitab və rəsm salonunda gənc şair Fərid Hüseynin “Əlifba sırası” kitabının təqdimat mərasimi və imza günü keçiriləcək.Kitaba şairin müxtəlif məzmunlu şeirləri toplanıb. “Əlifba sırası” Fəridin “A” hərfi – ilk kitabıdır.
Bütün ədəbiyyatsevərlər tədbirə dəvətlidir.

Mixail Krepsdən seçmələr

 Каждый большой поэт преодолевает традицию… Следует   заметить,   что  преодолевать  традицию  не  всегда  означает

опровергать  ее.  Это  сложный  процесс  со  своими  законами  уступок  и отвержений.

Настоящий  же  поэт  необходимо  должен  разрушить  весь  разброс возможностей предсказуемости текста, тогда и только тогда он начнет движение по пути преодоления смотрящей на него из всех углов банальности.

…главная техническая (если  можно так выразиться) задача поэта --  связать рифмы контекстом, и не просто  понятным контекстом,  но контекстом  поэтическим.  Это в конечном счете есть,  было и

будет (в рамках  рифменного стиха)  основной  заботой  и основной трудностью поэта.

Ramiz Rövşən - Kölgə

Bu gün Ramiz Rövşən günü olsun))) 

 ---

Sənin kölgən düşür burda hər şeyə;
Bu evə-eşiyə,
yorğan-döşəyə,
Körpəm mışıl-mışıl yatan beşiyə
sənin kölgən düşür gecəbəgündüz.
Kölgən düşür
qadınımın üzünə,
Gizlədir üzünün eyiblərini……..

Davamı...

“Vogue music” silsiləsindən 1/ İlğım filminin musiqisi altda

Edam

Güneyli qardaşımız Ləvaiyə ithaf olunur

Günəş üstünə düşəcək,

sevgin ağzına yumulacaq…

səsin çölə tökülməyəcək,

qəzəbin gülməyəcək üzlərə…

sinənə daş döşənəcək...

daha çox qorxacaqlar,

daha çox vuracaqlar səni…

gülümsəyəcəksən –

boynuna uzanan barmaqların arasından

sarı üfüqlərə baxmaq istəyəcəksən…

ilk öncə işıqdan...

işıqdan asılacaqsan...

Fərid Hüseyn - Eynəklər gizlədə bilməz kədəri.

Rəbiqə üçün 

Bilirəm, uzaqlara baxırsan,

gizli-gizli ağladığını da bilirəm...

axşamkı dərdindən danışır gündüzkü ovqatın,

eynəyinin altındakı kədəri də görürəm...

eynəklər gizlədə bilməz kədəri

bədən ancaq ruhumuzun üstündən asılmış şəkildi,

bunu yaxın günlərdə ölmüş dostumuz bir də sübut elədi.

bilirəm darıxırsan, şeir yazmırsan,

gözlərini aynaya zilləyib özünü tapmırsan hərdən.

Davamı...

Bakı- Tovuz-Qazax-Tovuz-Gəncə-Bakı marşrutundan bəzi məqamlar....

Səhər saat 8.30. Gecə səfər öncəsi həyəcandan yatmaya bilərsən, amma bu, vədə yerinə gecikməyəcəyinə təminat vermir. “İçərişəhər” metrostansiyasının çıxışında telefon konturu axtarmaq da bir tərəfdən canımı sıxır. Elə bilirəm, ürəyim ağrıyır. Nə yaxşı ki, zəngin səsi gəlir və ekrana baxıram: Qismətdir. Yüz faiz artıq vədə yerindədir, az qala paxıllığım tutur: bu oğlan heç vaxt gecikmir. Bəhram Gur heykəlinin yanına çatanda məlum olur ki, məndən başqa da gecikən varmış...

Bakı-Tovuz yolu. Uşaqların səsi şeirdən başqa bir şey fikirləşməyə qoymur. Evlə bağlı bəzi narahatlığımı unudub, Ramiz Rövşənin, Nüsrət Kəsəmənlinin, Salam Sarvanın misralarına köklənirəm. Sonra öz mətnlərinə müraciət edirlər. Düşünürəm ki, heca şeirlərinin böyük bir üstünlüyü var – onları yadda saxlamaq asandır...

Davamı...

Səlim Babullaoğlunu oxuyaq

Yaxşı, oxucuların xahişi ilə bu gün Səlimin oxu günü olsun…

Məsihağa Məhəmmədiyə

«Külək yatıb» dedin. Məni diksindirdin.
Vərdiş etdiyimiz ifadənin söz hissəsiylə
indi görünməyən, olmayan təbiət hadisəsiylə
mənim qohum olduğumu asanca bildirdin.

Davamı...

Ad günü üçün təbrik yerinə

2007-ci il, 28 sentyabr. Natəvan klubunda Əli Əlioğlu adlı gənc şairin saytı təqdim olunacaq. “Yeni Azərbaycan” qəzetindən tanıdığım Səlim Babullaoğlu dəvət edib. Amma klubun yerini tanımıram, özündən soruşmağa utanıram. Kəbutər əvvəl gülür, inanmır, sonra izahat verir. Beləcə, başlanır mənim YB-yə yolum...

Bundan sonra çox şey dəyişir, Yazıçılar Birliyinə önyarqılı münasibət də o cümlədən...

Davamı...